Is féidir le haon fheithicil atá ceaptha níos mó ná 8 bpaisinéir (gan an tiománaí a áireamh) a iompar na lánaí bus a úsáid. Is iondúil gur féidir le rothaithe – agus tacsaithe agus mótarfheithiclí dhá roth uaireanta – lánaí bus a úsáid le linn na n-uaireanta a bhfuil na lánaí sin in úsáid mar lánaí bus. Níl cead ag feithiclí eile na lánaí bus a úsáid sna tráthanna sin, ach amháin chun earraí a luchtú/díluchtú (agus ar choinníoll nach bhfuil aon chomharthaí taobh leis an lána a chuireann in iúl go bhfuil cosc air sin).
Is iondúil go mbíonn comharthaí ar na lánaí bus ar a dtugtar na huaireanta ina mbíonn na lánaí sin in úsáid agus na cineálacha feithiclí atá ceadaithe iad a úsáid. Mura bhfuil aon chomhartha le feiceáil nó mura bhfuil aon uaireanta úsáide ar taispeáint, is ceart do thiománaithe glacadh leis go bhfuil an lána bus in úsáid 24 uair an chloig sa ló.
Tá roinnt lánaí bus curtha in áirithe do sheirbhísí bus áitiúil, rud a chiallaíonn, mar shampla, nach bhfuil cead ag cóistí turasóirí iad a úsáid. Bíonn an t-eolas sin tugtha ar chomhartha de ghnáth.
Samplaí:
Lána bus is féidir le seirbhísí bus áitiúil, rothair agus tacsaithe a úsáid. Níl aon uaireanta úsáide ar taispeáint.
Lána bus is féidir le gach seirbhís bus agus rothair a úsáid. Tá uaireanta úsáide ar taispeáint.
Lána bus is féidir le gach seirbhís bus, agus mótarfheithiclí dhá roth (gan carr cliathánach), rothair agus tacsaithe a úsáid. Tá uaireanta úsáide ar taispeáint.
Ní ceadmhach do thiománaithe HGVanna a bhfuil meáchan os cionn 7.5 tona iontu tiomáint sa lána is faide ar dheis den mhótarbhealach má tá trí lána nó níos mó ar an mótarbhealach.
Úsáidtear marcanna bóthair agus comharthaí le lánaí rothar a thaispeáint. Ní ceadmhach do tiománaithe gluaisteáin tiomáint ná páirceáil i lána rothar atá marcáilte ag líne bhán gan bhriseadh le linn uaireanta úsáide an lána sin, má tá na huaireanta úsáide sin tugtha le fios. Níor chóir do thiománaithe gluaisteáin tiomáint ná páirceáil i lána rothar atá marcáilte ag líne bhán bhriste ach amháin mura féidir sin a sheachaint. Ní ceadmhach do thiománaithe mótarfheithiclí páirceáil i lána rothar má tá srianta feithimh i bhfeidhm.
Tá lánaí le haghaidh feithiclí carr-roinnte an-chosúil le lánaí bus; deighiltear an trácht le líne bhán gan bhriseadh agus le marcanna bóthair "2+ lane" curtha fad áirithe óna chéile. Bíonn íomhá de ghluaisteán "2+" ar taispeáint ar chomhartha.
Is féidir lánaí a chur in áirithe do chineálacha áirithe feithiclí; d'fhéadfadh na srianta sin a bheith i bhfeidhm ar feadh tréimhse áirithe nó i gcónaí. Tugtar na huaireanta úsáide agus na cineálacha feithiclí le fios ar chomharthaí tráchta. Ní ceadmhach do thiománaithe gluaisteáin tiomáint sna lánaí sin le linn uaireanta úsáide na lánaí mura bhfuil sé tugtha le fios ar chomharthaí go bhfuil sé sin ceadaithe.